Aprelin 17-də ER parlamentinin sədr müavini, Ermənistan-Türkiyə münasibətlərinin normallaşması prosesində Ermənistanın xüsusi nümayəndəsi Ruben Rubinyan ABŞ dövlət katibinin müavininin köməkçisi Erika Olson ilə görüşüb.
Ruben Rubinyan qonağın xahişi ilə Ermənistan və Türkiyə arasında münasibətlərin normallaşması prosesinin təfərrüatlarını təqdim edib. Erika Olson ABŞ-ın bu nizamlanma prosesini dəstəklədiyini bildirib.
Tərəflər bu ilin yayında üçüncü ölkə vətəndaşları və diplomatik pasport sahibləri üçün quru sərhədinin açılmasına dair razılaşmanın tezliklə həyata keçirilməsinin vacibliyini vurğulayıblar.
Parlament sədrinin müavini Dağlıq Qarabağdakı vəziyyəti təqdim edib.
Tərəflər həmçinin regional təhlükəsizlik və sabitliklə bağlı məsələləri müzakirə ediblər.
