Baş nazir Nikol Paşinyan ATƏT-in fəaliyyətdə olan sədri, Şimali Makedoniyanın xarici işlər naziri Buyar Osmanini qəbul edib.
Baş nazir ATƏT-in sədrinin regiona hazırkı səfərini alqışlayıb və qeyd edib ki, bu, burada yaradılmış ağır vəziyyətlə tanış olmaq üçün yaxşı fürsətdir.
Nikol Paşinyan ER hökumətinin ATƏT ilə əməkdaşlığı inkişaf etdirmək və genişləndirməkdə maraqlı olduğunu qeyd edib.
Buyar Osmani də öz növbəsində Ermənistanla əməkdaşlığın vacibliyini vurğulayıb və əlavə edib ki, təşkilatın məqsədi regionda sülh və sabitliyə töhfə verməkdir.
Həmsöhbətlər Dağlıq Qarabağ münaqişəsi, Laçın dəhlizinin qeyri-qanuni blokadası nəticəsində Dağlıq Qarabağ regionunda yaranmış humanitar böhran, Ermənistan və Azərbaycan arasında sərhədlərin delimitasiyasının həyata keçirilməsi ilə bağlı məsələləri müzakirə ediblər.
ATƏT-in Minsk qrupunun fəaliyyətinə və ATƏT-in fəaliyyətdə olan sədrinin şəxsi nümayəndəsi institutunun daha fəal rolunun təmin edilməsinə toxunulub.
Baş nazir Paşinyan beynəlxalq ictimaiyyətin Azərbaycanın təxribat və dağıdıcı əməllərinə adekvat və ardıcıl reaksiyasının vacibliyini vurğulayıb.
