Martın 9-da Ermənistanın Suriyadakı səfiri Tigran Gevorqyan fevralın 6-da Suriyada baş vermiş dağıdıcı zəlzələdən zərər çəkmiş Latakiya şəhərinə və ermənilərin yaşadığı Kesab qəsəbəsinə səfər edib.
Səfir Gevorgyan Suriyadakı erməni icmasının yerli strukturlarının nümayəndələri ilə görüşlər keçirib, görüşlərdə zəlzələdən sonra Suriyadakı erməni icmasının üzləşdiyi problemlər müzakirə olunub.
O, “Hayastan” Ümumaməni Fondu tərəfindən Suriya erməni məktəbləri üçün ayrılmış maliyyə yardımını Kesabın Erməni Katolik Barehuso, Avetaranakan Nahtakats Miatsyal, Milli Təhsil Məktəbləri və Latakiyanın Nahatakats məktəbinin müdirliklərinə təhvil verib.
