Suriyanın SANA dövlət xəbər agentliyinin verdiyi məlumata görə, İsrail ordusu Hələb Beynəlxalq Hava Limanına raket zərbələri endirib, hava limanının fəaliyyətini pozub.
"Çərşənbə axşamı saat 2:07-də İsrail Aralıq dənizindən, Latakiyanın qərbi istiqamətindən, Hələb Beynəlxalq Hava Limanını hədəfə alaraq hava hücumu həyata keçirib, hava limanına maddi ziyan vurulub və onun fəaliyyəti pozulub". Bu barədə SANA-ya hərbi idarədəki mənbə məlumat verib.
İsrail hakimiyyəti və Müdafiə Ordusu raket hücumu ilə bağlı hələlik heç bir açıqlama verməyib. Hələb hava limanından gələn bütün sərnişinlər Dəməşq və Latakiya hava limanlarına yönləndirilib.
