İran bir sıra medianın uranın zənginləşdirilməsi səviyyəsinin 84 faizə çatdırılması ilə bağlı məlumatlarını təkzib edib. İranın Atom Enerjisi Təşkilatının sözçüsü Bəhroz Kamalvəndi “Bloomberg” agentliyinin açıqlamasına toxunaraq bu iddiaları "faktların saxtalaşdırılması” adlandırıb.
“Yayılan məlumatlar saxtadır və faktların saxtalaşdırılmasıdır”,- deyə Bəhroz Kamalvandi bildirdi. Onun sözlərinə görə, İran hələ də uranı 60%-dən yuxarı zənginləşdirməyə çalışmayıb.
