Azərbaycanın xarici işlər naziri Ceyhun Bayramov ilə ABŞ dövlət katibinin Avropa və Avrasiya məsələləri üzrə köməkçisi Kern Donfrid arasında növbəti telefon danışığı olub.
Tərəflər Cənubi Qafqazdakı vəziyyəti və Ermənistan-Azərbaycan sülh nizamlanması üzrə danışıqların perspektivlərini müzakirə ediblər.
Azərbaycanın Laçın dəhlizindən vətəndaşların, nəqliyyat vasitələrinin və yüklərin təhlükəsiz keçməsinə təminat verdiyini bildirən Bayramov Dağlıq Qarabağda “gərgin humanitar vəziyyətin” olması ilə bağlı iddiları əsassız adlandırıb.
