Britaniya parlamentində deputat Cesika Morden Laçın dəhlizinin bağlanması və Dağlıq Qarabağdakı vəziyyətlə bağlı debatda çıxış edib.
“Bu gün parlamentdə Laçın dəhlizinin bağlanması və Dağlıq Qarabağdakı humanitar vəziyyətlə bağlı müzakirələrdə iştirak etdim. Dağlıq Qarabağın erməni xristian əhalisinə qarşı təqib və terrorizmin vahid beynəlxalq qınaq alması vacibdir. Lakin o da vacibdir ki, Böyük Britaniya hökuməti bu halda Azərbaycanın yaxın diplomatik və ticarət tərəfdaşı kimi özünəməxsus təsir imkanlarından istifadə etsin. Bakıya mesajımız aydın olmalıdır: bu utandırıcı, əsassız blokadaya və Dağlıq Qarabağın erməni xristianlarını öz tarixi vətənlərindən qovmaq cəhdi kimi qiymətləndirilən daha geniş repressiya modelinə son qoymaq”, - deyə Böyük Britaniya İcmalar Palatasının üzvü bildirib.
