Rus və erməni xalqlarını möhkəm dostluq əlaqələri bağlayır və biz həm ikitərəfli münasibətləri, həm də KTMT, Aİİ, MDB-nin ümumi inteqrasiya proseslərində əməkdaşlığı gücləndirmək əzmindəyik. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.
“Bunun fonunda Yerevandan Rusiyanın mövcudluğunun Ermənistanın təhlükəsizliyi üçün müəyyən təhlükələr yaratdığı barədə bəyanatlar absurddur. Onilliklərdir ki, hərbi sərhədçilərimiz Ermənistanın təhlükəsizliyinin təmin edilməsinə, onun sərhədlərinin qorunmasına mühüm töhfələr verirlər”, - deyən Zaxarova bunun inkar edilə bilməyən obyektiv reallıq olduğunu vurğulayıb.
