Rusiya Xarici İşlər Nazirliyinin rəsmi nümayəndəsi Mariya Zaxarova, türk general Bəxtiyar Ərsanın Azərbaycanın müdafiə nazirinin müşaviri təyin edilməsi məsələsinə toxunaraq, qeyd edib ki, müxtəlif ölkələrin vətəndaşları məsləhətlər verir və müşavir rolunu oynayırlar.
“Hər bir ölkənin öz tərəfdaşları ilə hərbi və hərbi-texniki əməkdaşlığı inkişaf etdirmək üçün suveren hüququ var, lakin təbii ki, biz hesab edirik ki, bu, üçüncü ölkələrə qarşı yönəlməməli və Cənubi Qafqazda qüvvələr balansını pozmamalıdır. Biz bu tezisləri mütəmadi olaraq regiondakı tərəfdaşlarımıza çatdırırıq”, - deyə Rusiya Xarici İşlər Nazirliyinin sözçüsü bildirib.
