ER Müdafiə naziri Suren Papikyan bu gün Müdafiə Nazirliyinin inzibati kompleksində Qazaxıstan Respublikasının müdafiə naziri, general-polkovnik Ruslan Jaksilikovun başçılıq etdiyi nümayəndə heyətini qəbul edib.
Ermənistan-Qazaxıstan ikitərəfli münasibətlərinin hazırkı səviyyəsini yüksək qiymətləndirən həmsöhbətlər müdafiə sahəsində ikitərəfli əməkdaşlığın inkişaf etdirilməsi və genişləndirilməsi imkanları barədə fikir mübadiləsi aparıblar.
Müdafiə naziri Suren Papikyan Azərbaycanın son hərbi təcavüzü nəticəsində yaranmış vəziyyəti təqdim edib.
Regional təhlükəsizliklə bağlı bir sıra məsələlər müzakirə edilib.
Müdafiə nazirləri Ermənistan və Qazaxıstan ordularında aparılan islahatların gedişi ilə bağlı fikir mübadiləsi aparıblar.
Görüşün sonunda Ruslan Jaksilikov həmkarı Suren Papikyanı Qazaxıstan Respublikasına dəvət edib.
