Yaxın vaxtlarda KTMT Kollektiv Təhlükəsizlik Şurasının növbədənkənar sessiyasının keçirilməsi məsələsi müzakirə olunur. Bunu Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinq zamanı deyib.
“Güman edilir ki, planlaşdırılmış sessiya zamanı KTMT-yə üzv dövlətlərin liderləri Ermənistanda KTMT missiyasının nəticələrini müzakirə edəcək, Yerevana birgə dəstəyin göstərilməsi üzrə təkliflərə, o cümlədən Kollektiv Təhlükəsizlik Şurasının Ermənistana birgə dəstəyin göstərilməsi haqqında qərar layihəsinə baxacaqlar”, - deyə diplomat qeyd edib. Zaxarova əlavə edib ki, yardımla bağlı məsələlər tərəflər həll etməli və razılaşdırmalıdır: qərarlar kollektiv əsasda qəbul edilir.
