Oktyabrın 7-də Ermənistanın KTMT-yə sədrliyi çərçivəsində Yerevanda Ermənistan xarici işlər nazirinin müavini Mnatsakan Safaryanın sədrliyi ilə üzv dövlətlərin xarici işlər nazirlərinin müavinlərinin “yüksək səviyyəli qrup” formatında məsləhətləşmələri keçirilib.
Görüşdə nazir müavini Safaryan Azərbaycanın Ermənistana təcavüzü nəticəsində yaranmış vəziyyəti həmkarlarına təqdim edib, Azərbaycan silahlı qüvvələrinin Ermənistanın suveren ərazisini dərhal tərk etməsinin və atəşkəs rejiminin qeyd-şərtsiz saxlanmasının vacibliyini vurğulayıb.
Nazir müavini erməni hərbi əsirlərinə qarşı Azərbaycan tərəfindən törədilmiş qətlləri, işgəncələri və digər hərbi cinayətlərinin aydın, məqsədyönlü şəkildə pislənməsinin vacibliyini vurğulayıb və cinayətkarların məsuliyyətə cəlb edilməsinin, eləcə də erməni hərbi əsirlərin və Azərbaycanda qanunsuz saxlanılan mülki şəxslərin azad edilməsinin vacibliyini qeyd edib.
Məsləhətləşmələr zamanı KTMT-nin gündəliyində olan ondan çox məsələ müzakirə edilib.
