NATO-nun Hərbi Təhsilin Təkmilləşdirilməsi Proqramı (DEEP) çərçivəsində Ermənistan Respublikası Müdafiə Nazirliyinin nümayəndə heyəti bu yaxınlarda Amerika Birləşmiş Ştatlarında bir sıra hərbi təlim müəssisələrində olub. Bu barədə ER Müdafiə Nazirliyi məlumat yayıb.
ABŞ-a işgüzar səfəri çərçivəsində nümayəndə heyəti West Point Hərbi Akademiyasında, ABŞ Ordusunun Hərbi Kollecində, Milli Müdafiə Universitetində və Quru Qoşunlarının Baş Qərargahında tərəfdaşlarla görüşüb. Qəbul, inteqrasiya, akademik proqramlar və hərbi hazırlıq haqqında danışıblar.
Tərəflər hərbi-təhsil istiqamətində gələcək əməkdaşlığın gücləndirilməsinin vacibliyini vurğulayıblar. Bununla bağlı ABŞ təhsil müəssisələrinin nümayəndələri müdafiə sektorunun nüfuzlu rəhbərlərinin hazırlanmasında Ermənistanla əməkdaşlığa hazır olduqlarını vurğulayıblar.
