"Rusiya, Çin və iqlim dəyişikliyi kimi Türkiyə də müasir dünya düzəninə ən ciddi təhdidlərdən biridir", - ABŞ Senatının Xarici Əlaqələr Komitəsinin sədri Robert Menendez bildirib, Yunan City Times yazır.
Afinadakı Kapodistria Milli Universitetində çıxış edən Menendez bildirib ki, Türkiyə Şərqi Aralıq dənizi regionunda daimi təhlükə yaradır və NATO-ya üzv olmasına baxmayaraq, Egey dənizi üzərində təxribat xarakterli uçuşlarla Yunanıstan hakimiyyətinə meydan oxuyur.
Konqresmen Türkiyə prezidenti Rəcəb Ərdoğanı Şərqi Avropa və Qafqazın cənubunda “parçalayıcı siyasət” aparmaqda ittiham edib.
Menendez Yunanıstanın baş naziri ilə də görüşüb. Kiriakos Mitsotakis iki ölkənin iqtisadi və enerji əməkdaşlığına, həmçinin oktyabrda Afinada keçiriləcək strateji dialoq çərçivəsində Yunanıstan və ABŞ arasında daha sıx əməkdaşlıq perspektivlərinə xüsusi diqqət yetirib.
