İranın Ermənistandakı səfiri Zəncan Ticarət Palatasının nümayəndə heyətini qəbul edib. Abbas Zohuri bəyan edib ki, İran hökumətinin siyasəti xüsusilə qonşu ölkələrlə əməkdaşlığı genişləndirməkdir və İranın Ermənistandakı səfirliyi bu istiqamətdə iqtisadi aktyorlarla hərtərəfli əməkdaşlığa hazırdır.
İran səfiri Ermənistan bazarını rəqabətədavamlı, yüksək standartlar və peşəkar addımlarla daxil olmaq mümkün olan bazar kimi xarakterizə edib.
Zohuri həmçinin ikitərəfli ticarət dövriyyəsinin 560 milyon dollara yüksəldiyini bildirib. Onun sözlərinə görə, Ermənistan və İran hakimiyyəti onu 1 milyard dollara çatdırmaq niyyətindədir.
"Ermənistan digər ölkələrlə, o cümlədən Avrasiya İqtisadi İttifaqı, Avropa İttifaqı və digər ölkələrlə ticarət mübadiləsi üçün çox təhlükəsiz, etibarlı və güclü körpüdür", - deyə İranın Ermənistandakı səfiri qeyd edib.
