Ermənistan Respublikasının Baş naziri Nikol Paşinyanla Rusiya Federasiyasının Prezidenti Vladimir Putin arasında telefon danışığı olub. Tərəflər Dağlıq Qarabağ ətrafında vəziyyətin müzakirəsini davam etdiriblər.
Rusiya, Ermənistan və Azərbaycan liderləri arasında 9 noyabr 2020-ci il, 11 yanvar və 26 noyabr 2021-ci il tarixli üçtərəfli bəyanatların ardıcıl icrasının vacibliyi bir daha təsdiqlənib.
Eyni zamanda, regionda sabitliyin təmin edilməsində Rusiya sülhməramlı kontingentinin rolu qeyd olunub.
Ermənistan və Rusiya arasında müttəfiqlik və strateji münasibətlərin gələcək inkişafı ilə bağlı məsələlər ətrafında da fikir mübadiləsi aparılıb.
