Türkiyə Erməni Vəqfləri Birliyinin yaydığı bəyanatda deyilir ki, Ermənistanın baş naziri ilə Türkiyə prezidenti arasında telefon danışığı Türkiyədəki erməni icmasının əsas gündəm mövzusuna çevrilib.
Qeyd olunur ki, erməni fondları, onlara bağlı bütün qurumlar və şirkətlər baş verənləri təqdir və ümidlə izləyir və onların böyük gözləntiləri var. Vurğulanıb ki, erməni icmasının təvazökar potensialına baxmayaraq, icma Türkiyə ilə Ermənistan arasında simvolik körpü ola bilər.
“İcma hər iki ölkənin bütün sektorlarını məsuliyyətli və gələcəyə baxışla hərəkət etməyə çağırır. İdarəçilik təcrübəmizlə bu tarixi dövrdə bütün imkanlarımızı səfərbər etməyə hazırıq”, - deyə məlumatda vurğulanıb.
