ER baş naziri Nikol Paşinyan “Rosatom” korporasiyasının baş direktoru Aleksey Lixaçevi qəbul edib.
Baş nazir qeyd edib ki, energetika sahəsində Ermənistan-Rusiya əməkdaşlığının zəngin gündəliyi var və “Rosatom” atom enerjisi sahəsində ER hökumətinin əsas tərəfdaşıdır.
İcra başçısı Ermənistanın AES-in ikinci enerji blokunun istismar müddətinin uzadılmasında korporasiyanın rolunu yüksək qiymətləndirib və əməkdaşlığın yaxın gələcəkdə səmərəli olacağına əminliyini bildirib.
Aleksey Lixaçov sıx əməkdaşlığa görə təşəkkür edib və qeyd edib ki, “Rosatom” korporasiyası növbəti illərdə ER hökuməti ilə səmərəli əməkdaşlıqda maraqlıdır.
Görüşdə həmsöhbətlər AES-in ikinci enerji blokunun gələcək fəaliyyətini, Ermənistanda yeni atom elektrik stansiyasının tikintisi imkanlarını, atom enerjisinin inkişafı, eləcə də bərpa olunan enerji sahəsində əməkdaşlıqla bağlı məsələləri müzakirə ediblər.
