Həqiqətən də Ermənistan və Azərbaycan rəsmiləri arasında sülh prosesi və müxtəlif formatlarda görüşlər var, amma qorxuram ki, proses indiyədək başqa heç nəyə çevrilməyib, elə də qalıb. Bu barədə ATƏT PA-nın 29-cu illik sessiyasının iyulun 3-də keçirilən sessiyasında ER Parlamentinin Xarici Əlaqələr Daimi Komitəsinin sədri, ATƏT PA-dakı Nümayəndə heyətinin rəhbəri Eduard Ağacanyan bildirib.
“Mən sevinirəm ki, Azərbaycandan olan həmkarım beynəlxalq hüquqa istinad edir, çünki bu, onların prezidentinin beynəlxalq hüququn ölü olduğu mövqeyinə tamamilə ziddir.
Təəssüf ki, cənab Kaşunasın haqlı olaraq qeyd etdiyi kimi, hələ də həllini gözləyən bir sıra həll olunmamış problemlər var”- deyə E. Ağacanyan qeyd edib.
O vurğulayıb ki, Ermənistan tərəfi nəzarətində olan minalanmış ərazilərin bütün xəritələrini Azərbaycana təhvil verib, lakin Azərbaycan Ermənistanla sülh danışıqlarında müəyyən siyasi üstünlük əldə etmək üçün 38 hərbi əsiri girov kimi saxlayır.
“Azərbaycan prezidentinin aqressiv ritorikası, fiziki və psixoloji təzyiq yolu ilə Dağlıq Qarabağ əhalisinin davamlı olaraq etnik təmizləməsi, eləcə də faktiki olaraq Ermənistanın suveren ərazisindən keçən eksterritorial dəhliz mənasını verən “Zangezur dəhlizi”nin məsələsi, ümumiyyətlə, gərginliyin azaldılmasına kömək etmir.
Hörmətli həmkarlar,
Tammiqyaslı müharibə 2020-ci il noyabrın 9-da dayandırıldı, lakin Dağlıq Qarabağ münaqişəsi hələ də hərtərəfli və yekun həllini gözləyir və bu parlament assambleyası bu prosesdə öz həlledici rolunu oynamalıdır” - deyə o qeyd edib.
