Ermənistan Respublikasının Təhlükəsizlik Şurasının katibi Armen Qriqoryan İlham Əliyevin sözdə dəhzlilə bağlı bəyanata toxunub.
O bir daha vurğuladı ki, rəsmi Yerevan Ermənistan ərazisindən keçən dəhliz məntiqi ilə istənilən yolu istisna edir.
“Rəsmi Yerevan buna noyabrın 9-dan sonra cavab verir və bunu təkcə rəsmi Yerevan deyil, həm də rəsmi Moskva, rəsmi Brüssel deyib. Hesab edirəm ki, danışıqlar prosesinin qavranılması ilə bağlı problem var, çünki hamı bəyan edir ki, dəhliz heç vaxt müzakirə olunmayıb, lakin Azərbaycan tərəfi anlaşılmaz səbəblərdən bunu bəyan edir”,- Armen Qriqoryan qeyd etdi.
O xatırlatdı ki, keçən ilin noyabrın 6-da Rusiya baş nazirinin müavini Overçuk Yerevanda bəyan etdi ki, dəhliz məntiqi ilə heç bir məsələ müzakirə olunmur, eyni şey Brüssel danışıqlarından sonra da olub.
“Bu, onu göstərir ki, danışıqlarda yanaşmamız həmişə belə olub və bundan sonra da belə olacaq”, - deyə Armen Qriqoryan bildirib.
Armen Qriqoryan qeyd etdi ki, Azərbaycanla müzakirə olunan gündəmdə 4 məsələ var: humanitar məsələlər arasında prioritet məhbusların qaytarılması, itkin düşmüş şəxslər haqqında məlumatların toplanıb ailələrinə verilməsi, regionun blokadadan çıxarılması, delimitasiya və demarkasiya məsələsi, eləcə də Dağlıq Qarabağ probleminin həlli məsələsi.
