Türkiyə, Finlandiya və İsveç liderləri iyunun 28-də Madriddə görüşəcək. Bu barədə NATO Baş katibi Yens Stoltenberq mətbuat konfransında deyib.
Yens Stoltenberq bildirib ki, o, Türkiyə prezidenti Rəcəb Tayyib Ərdoğanı, Finlandiya prezidenti Sauli Niinistönü və İsveç baş naziri Maqdalena Anderssonu Madridə görüş üçün dəvət edib və liderlər bu təklifi qəbul edib. O deyib ki, görüş sabah baş tutacaq.
Onun sözlərincə, görüşün məqsədi Finlandiya və İsveçin NATO-ya üzvlüyü ilə bağlı müzakirələrdə irəliləyiş əldə etməkdir.
