Rusiya XİN başçısı Sergey Lavrov Tehrana səfər edib. Lavrov İran prezidenti İbrahim Rəisi ilə görüşüb. Onun İranın xarici işlər naziri Hüsey Əmir Abdullahiyanla görüşü planlaşdırılıb.
İran mediasının verdiyi məlumata görə, İ.Rəisinin prezident seçilməsindən sonra Lavrovun Tehrana etdiyi ilk səfərində iki ölkə arasında uzun müddətli anlaşmanın bağlanması nəzərdə tutulur.
Tərəflər arasında həmçinin münasibətlərin genişləndirilməsinə dair sənədlərin imzalanacaq.
Lavrov beynəlxalq məsələlər, nüvə danışıqları, Suriya, Əfqanıstan və Ukrayna barəsində İran rəsmiləri ilə danışıqlar aparacaqlarını bildirib.
