İyunun 22-də Ermənistan Respublikasının Xİ naziri Ararat Mirzoyan Qətər Dövlətinin xarici işlər naziri Şeyx Məhəmməd bin Əbdürrəhman Al-Tani ilə telefon danışığı aparıb.
Xarici işlər nazirləri Ermənistan Respublikasının Baş naziri Nikol Paşinyanın Qətər Dövlətinə son rəsmi səfərinin nəticələrindən məmnun olduqlarını bildiriblər və səfər zamanı əldə edilmiş razılaşmaların ardıcıl şəkildə həyata keçirilməsinin zəruriliyini vurğulayıblar.
Həmsöhbətlər iki ölkə arasında siyasi dialoqa, yüksək səviyyədə qarşılıqlı səfərlərin aktivləşdirilməsinə və iqtisadi əlaqələrin inkişafına yönəlmiş addımlara toxunublar.
İnformasiya texnologiyaları, kənd təsərrüfatı, hava əlaqəsi, turizm və təhsil sahələrində əməkdaşlığın inkişafı müzakirə edilib.
Nazirlər həmçinin regional təhlükəsizlik və sabitliyə dair fikir mübadiləsi aparıblar.
