ER-nin Baş naziri Nikol Paşinyan Almaniya Federativ Respublikasının Ermənistandakı fövqəladə və səlahiyyətli səfiri Viktor Rixteri qəbul edib.
Həmsöhbətlər Ermənistan-Almaniya əlaqələrinin dərinləşdirilməsi perspektivlərini müzakirə ediblər.
İclasda həmçinin regional inkişaflara və kommunikasiyaların blokdan çıxarılması istiqamətində görülən işlərə toxunulub. Dağlıq Qarabağdakı vəziyyətlə bağlı fikir mübadiləsi aparılıb.
Baş nazir Dağlıq Qarabağ münaqişəsinin həlli ilə bağlı Ermənistanın mövqelərini və Ermənistan hökumətinin elan etdiyi sülh gündəliyini təqdim edib. Nikol Paşinyan vurğulayıb ki, Dağlıq Qarabağın statusu məsələsi hələ də həll olunmamış qalır, o, beynəlxalq səviyyədə tanınmış format çərçivəsində, ATƏT-in Minsk Qrupu həmsədrlərinin mandatı altında həll edilməlidir. Baş nazir Azərbaycanda hələ də saxlanılan erməni hərbi əsirlərin, girovların və digər şəxslərin qaytarılması, Dağlıq Qarabağda erməni tarixi-mədəni irsinin qorunması və mühafizəsi məsələlərinə toxunub.
Viktor Rixter Almaniya hökumətinin regionda sülhün təmin edilməsi və Dağlıq Qarabağ münaqişəsinin ATƏT-in Minsk qrupunun həmsədrliyi çərçivəsində həlli gündəminə dəstəyini ifadə edib.
Ermənistan Respublikasının baş naziri humanitar və təhlükəsizlik məsələlərinə beynəlxalq ictimaiyyətin məqsədyönlü reaksiyasının vacibliyini vurğulayıb.
