Bloomberg yazır ki, ABŞ və Avropa Qərblə Rusiya arasında qarşıdurma fonunda Türkiyə ilə münasibətlərin gərginləşməsinə hazırlaşmalıdır.
Məqalə müəllifi xatırladır ki, Türkiyə prezidenti Rəcəb Tayyib Ərdoğan artıq Finlandiya və İsveçin NATO-ya qoşulmasına qarşı çıxıb. Bundan əlavə, o, Yunanıstanı tənqid edir və ondan Egey adalarının demilitarizasiyasını tələb edir.
Jurnalistin fikrincə, yaxın aylarda Türkiyə ilə ABŞ və Aİ arasında münasibətlərin kəskin şəkildə pisləşməsini gözləməliyik, çünki Ankara çətin iqtisadi vəziyyətdədir və Ərdoğan özünə bir günah keçisi tapmalıdır.
Məqalədə deyilir ki, bu, Türkiyə ilə Qərb gücləri arasında əməkdaşlığın zəifləməsinə gətirib çıxaracaq ki, bu da ABŞ-a Rusiya ilə rəqabətdə diskomfort vəd edir.
