İyunun 14-də Sofiyada rəsmi səfərdə olan Ermənistan Respublikasının XİN başçısı Ararat Mirzoyan Bolqarıstanın xarici işlər naziri Teodora Gençovska ilə görüşüb, görüş təkbətək söhbətlə başlayıb, daha sonra geniş tərkibdə davam edib.
Ararat Mirzoyan və Teodora Gençovska Ermənistan-Bolqarıstan dövlətlərarası münasibətlərinin hazırkı səviyyəsini yüksək qiymətləndirib, iki ölkə arasında əməkdaşlığın ikitərəfli və çoxtərəfli müstəvidə intensivləşdirilməsinə hazır olduqlarını bildiriblər.
Tərəflər ticarət dövriyyəsi, investisiya həcmlərinin artırılması imkanlarına toxunaraq, bu sahələrdə mövcud olan potensialın icrasını vacib sayıblar.
Görüş zamanı tərəflər ER-Aİ tərəfdaşlığının gələcək inkişafı ilə bağlı fikir mübadiləsi aparıblar.
Tərəflər bir sıra regional və beynəlxalq təhlükəsizlik məsələlərini müzakirə ediblər. Nazir Mirzoyan bolqarıstanlı həmkarına Dağlıq Qarabağ münaqişəsi ətrafındakı vəziyyəti, regional sülhün və sabitliyin bərqərar edilməsinə yönəlmiş proseslərə dair Ermənistan tərəfinin mövqeyini, Ermənistanla Azərbaycan arasında münasibətlərin normallaşdırılmasına dair danışıqların gedişini təqdim edib.
ATƏT-in Minsk qrupu həmsədrlərinin Dağlıq Qarabağ münaqişəsində sülh prosesinin irəliləyişində vasitəçilik rolu vurğulanıb. Bununla bağlı Ararat Mirzoyan Bolqarıstanın mövqeyini yüksək qiymətləndirib.
Nazir Mirzoyan Azərbaycan hakimiyyətinin davamlı anti-erməni və döyüşkən ritorikasından, Ermənistan və Dağlıq Qarabağa qarşı təxribat xarakterli hərəkətlərindən narahatlığını bildirib. O həmçinin Azərbaycanın beynəlxalq humanitar hüquq normalarını kobud şəkildə pozaraq erməni hərbi əsirləri və mülki şəxsləri girov saxlamağa davam etdiyini qeyd edib.
44 günlük müharibə nəticəsində Azərbaycanın nəzarəti altında olan ərazilərdə ümumbəşəri mədəni irsin tərkib hissəsi olan erməni abidələrinin şəxsiyyətinin təhrif edilməsi və ya məhv edilməsi siyasətinin qarşısının alınmasına xüsusi əhəmiyyət verilib.
Ararat Mirzoyan həmkarına Ermənistan-Türkiyə normallaşması prosesində baş verən son hadisələr barədə məlumat verib.
