Qətər Dövlətində rəsmi səfərdə olan Baş nazir Nikol Paşinyan Qətərin İşgüzar Şurasının üzvlərini qəbul edib.
Görüşdə Ermənistanda müxtəlif sahələrdə investisiya proqramlarının həyata keçirilməsi imkanları ilə bağlı məsələlər müzakirə olunub. Nikol Paşinyan Ermənistan Respublikası hökumətinin öz alətləri çərçivəsində mümkün proqramların səmərəli həyata keçirilməsinə yardım etməyə hazır olduğunu vurğulayıb.
İşgüzar Şuranın üzvləri Ermənistanda müxtəlif istiqamətlərdə fəaliyyət göstərmək təkliflərini müzakirə etməyə və nəzərdən keçirməyə hazır olduqlarını qeyd ediblər.
Bu kontekstdə kənd təsərrüfatı, zərgərlik, turizm, enerji və yüksək texnologiyalar sahələrində investisiya layihələrinin həyata keçirilməsi imkanları müzakirə edilib.
Yaxın vaxtlarda konkret proqramlar layihələrinin İşgüzar Şuraya təqdim edilməsi barədə razılıq əldə olunub.
