Yaxın vaxtlarda 4 səfirin səfəri gözlənilir, səfərlər zamanı sosial və iqtisadi məsələlər müzakirə olunacaq. Bu barədə Syunik icra hakimiyyətinin başçısı Robert Ğukasyan bugünkü mətbuat konfransında bildirib.
“Ermənistanın ABŞ-la əlaqələri var, çoxlu proqramlar həyata keçirilir. Həmin proqramlar çərçivəsində ABŞ səfiri Syunik bölgəsinə səfər edib. Aİ səfiri 6 Avropa ölkəsinin səfirləri ilə gəlib, müxtəlif sosial-iqtisadi proqramlar müzakirə edilib. Mən Rusiya səfiri ilə də görüşdüm, biz müxtəlif məsələləri, əsasən iqtisadi və sosial xarakterli məsələləri müzakirə etdik. Bundan əvvəl digər ölkələrin, o cümlədən İranın səfirlərinin səfərləri olub. Yaxın vaxtlarda Kapanda konsulluğun fəaliyyət göstərəcəyindən xəbərdarsınız”- deyə Ğukasyan bildirib.
İcra hakimiyyətinin başçısı qeyd edib ki, İran Syunikdə müxtəlif proqramların həyata keçirilməsində maraqlıdır və o, bunu alqışlayır.
“İranın iqtisadi potensialı bizim üçün çox önəmlidir. Tezliklə bizim regional administrasiyada Syunik-İran münasibətləri ilə məşğul olacaq müvafiq mütəxəssisimiz olacaq” – deyə Ğukasyan bildirib.
