Bu gün biz Rusiyanın xarici işlər naziri Sergey Lavrovla dövlətlərarası dialoqun bütün, o cümlədən ən yüksək səviyyələrdə intensivliyini qeyd etdik. Bu barədə ER xarici işlər naziri Ararat Mirzoyan bildirdi.
“İkitərəfli gündəliyin daha da irəliləyişi kontekstində biz strateji müttəfiqimizin bütün mövcud mexanizmlərinin, o cümlədən ticarət-iqtisadi və hərbi-texniki əməkdaşlığın səmərəli işini müsbət qiymətləndirdik.
KTMT Xarici İşlər Nazirləri Şurasının sabahkı iclası ərəfəsində biz KTMT çərçivəsində sıx əməkdaşlığımız məsələlərinə xüsusi diqqət yetirdik”,- deyə Mirzoyan qeyd etdi.
Tərəflər həmçinin Avrasiya İqtisadi Birliyi, MDB və digər beynəlxalq təşkilatlar çərçivəsində əməkdaşlığı müzakirə ediblər.
