Mayın 31-də ER Polis rəisi, Polis general-mayoru Vahe Qazaryanın rəhbərlik etdiyi nümayəndə heyəti Beynəlxalq Cinayət Polisi Təşkilatının baş katibi Yurgen Ştokun dəvəti ilə İnterpolun Baş Katibliyinin Lion şəhərindəki qərargahına tanışlıq səfəri edib.
Polis rəisini İnterpolun baş katibi Yurgen Ştok qəbul edib. Görüş zamanı qarşılıqlı maraq doğuran məsələlər müzakirə olunub.
İnterpolun rolunu və töhfəsini yüksək qiymətləndirən Vahe Qazaryan bu görüşün İnterpol və ER Polisi arasında əməkdaşlığın dərinləşməsinə və genişlənməsinə töhfə verəcəyinə ümid etdiyini bildirib. Kibercinayətkarlığa, rəqəmsal texnologiyalardan istifadə edilən maliyyə cinayətlərinə, narkotiklərin qanunsuz dövriyyəsinə və mütəşəkkil cinayətkarlığa qarşı mübarizə sahəsində əməkdaşlığı xüsusilə vurğulanıb.
Görüşün sonunda Vahe Qazaryan İnterpolun baş katibi Yurgen Ştoku Ermənistana dəvət edib. Baş katib öz növbəsində ümid bildirib ki, ER Polisinin nümayəndə heyəti Polis rəisinin rəhbərliyi ilə 2022-ci ilin oktyabrında Hindistanda keçiriləcək İnterpol Baş Assambleyasının 90-cı sessiyasında iştirak edəcək.
