Mayın 20-də Ermənistanın Fransadakı səfiri Hasmik Tolmacyan Kann şəhərinin meri, Fransa Merləri Assosiasiyasının prezidenti David Lisnar ilə görüşüb. Bu barədə Ermənistanın Fransadakı səfirliyi məlumat yayıb.
Səmimi şəraitdə keçən görüşdə səfir və mer Cənubi Qafqaz regionundakı vəziyyətə, o cümlədən Dağlıq Qarabağ münaqişəsinin sülh yolu ilə həlli prosesinə toxunaraq cari beynəlxalq proseslərə dair fikir mübadiləsi aparıblar.
Səfir Fransadakı erməni icmasına və Ermənistana vurğuladığı diqqətə, eləcə də ənənəvi erməni-fransa dostluğu istiqamətində atılan addımlara görə təşəkkür edib.
Görüşdə kino sahəsində Ermənistan-Fransa əməkdaşlığının perspektivlərinə də toxunulub.
