Birləşmiş Ştatlar Gürcüstanı islahatlar səylərində dəstəkləməyə davam edəcək, eləcə də Avro-Atlantik inteqrasiya prosesində mövqeyini gücləndirməyə kömək edəcək. Bu barədə ABŞ prezidenti Co Baydenin Gürcüstanın Müstəqillik Günü münasibətilə baş nazir İrakli Qaribaşviliyə ünvanladığı məktubda deyilir.
“Birləşmiş Ştatlar gürcü xalqına dinc gələcək, firavanlıq və demokratik azadlıq qurmaqda dəstəyini davam etdirəcək” – deyə məktubda qeyd olunur.
Bayden həmçinin Gürcüstanın qlobal təhlükəsizliyə verdiyi töhfəni yüksək qiymətləndirib.
