Rusiya yalnız etibarlılığını sübut edən ölkələrə arxalanacaq. Bunu Rusiyanın xarici işlər naziri Sergey Lavrov bildirdi.
“Əgər Qərb dövlətlərinin ağlı başına gəlsə və əməkdaşlığın bərpası üçün tədbirlər təklif etsələr, bunun bizə lazım olub-olmadığını düşünəcəyik”,- deyə Rusiya XİN başçısı qeyd etdi.
Lavrov əlavə edib ki, Rusiyanın gələcək inkişafı üçün diqqəti Avrasiya regionuna yönəltmək lazımdır.
“Avrasiya dünyanın ən perspektivli regionuna çevrilir. Biz onun nəqliyyat, tranzit və logistika imkanlarından istifadə etməliyik”,- nazir vurğuladı.
O qeyd etdi ki, Rusiya ilə Çin arasında iqtisadi əməkdaşlığa tezliklə yeni təkan veriləcək.
