Ötən həftə ABŞ ilə Ermənistan arasında strateji dialoqu çərçivəsində tərəflər Ermənistanın demokratik inkişafına və ABŞ-ın Cənubi Qafqazda davamlı sülhə dəstəyinə sadiq olduqlarını bir daha təsdiqləyiblər.
Bu barədə ABŞ Dövlət Departamentinin sözçüsü Ned Prays brifinq zamanı bildirib.
O, Ermənistanda keçirilən etiraz aksiyalarına da toxunaraq, dinc nümayişlərin açıq siyasi sistemin tərkib hissəsi olduğunu qeyd edib.
“Biz fundamental ifadə və dinc toplaşma azadlıqlarını tam dəstəkləyirik. Biz insanları sülh yolu ilə öz fikrini bildirməyə çağırırıq. Biz hakimiyyəti təmkinli olmağa çağırırıq və etirazçıları zorakılıqdan çəkinməyə, Ermənistanda qanunun aliliyinə və demokratiyaya hörmət etməyə çağırırıq" – deyə Prays bildirib.
