ER Baş nazirinin müavini Mher Qriqoryan İran İslam Respublikasının iqtisadi işlər və maliyyə naziri Ehsan Xanduzinin başçılıq etdiyi nümayəndə heyətini qəbul edib.
Həmsöhbətlər iki ölkə arasında ticari-iqtisadi əlaqələrin genişləndirilməsi ilə bağlı məsələləri müzakirə ediblər.
Bu kontekstdə ticarətin artımının təşviqi, eləcə də gömrük və sərhəd nəzarəti prosedurlarının asanlaşdırılması ilə bağlı aparılan müzakirələr vurğulanıb.
Aİİ çərçivəsində İranla əməkdaşlığın dərinləşdirilməsi üçün mövcud potensialın reallaşdırılması imkanlarına da toxunulub.
ER baş nazirinin müavini və İranlı nazir iki ölkə arasında enerji və infrastrukturun inkişafı sahələrində mövcud əməkdaşlıq potensialı barədə də fikir mübadiləsi aparıblar.
