Aprelin 22-də Ermənistanın xarici işlər naziri Ararat Mirzoyan Aİ-nin Cənubi Qafqazda və Gürcüstan böhranı üzrə xüsusi nümayəndəsi Toivo Klaarın başçılıq etdiyi nümayəndə heyətini qəbul edib.
Tərəflər aprelin 6-da Brüsseldə keçirilən görüş nəticəsində əldə edilmiş razılaşmaların həyata keçirilməsini, regionun iqtisadi və nəqliyyat infrastrukturunun blokdan çıxarılması perspektivlərini müzakirə ediblər.
Görüş zamanı mövcud humanitar məsələlərə, xüsusilə də erməni hərbi əsirlərin və digər saxlanılan şəxslərin vətənə qaytarılmasına toxunulub.
