ABŞ Dövlət Departamentinin Avropa və Avrasiya məsələləri üzrə bürosu Ermənistan və Azərbaycan arasında mümkün sülh danışıqları məsələsinə toxunub.
“Birləşmiş Ştatlar Baş nazir Paşinyanın Azərbaycanla sülh danışıqlarına dair son bəyanatlarını, Azərbaycan və Ermənistan Xarici işlər nazirləri arasında son telefon danışığını və Azərbaycan prezidenti İlham Əliyevin sülh danışıqlarına sadiqliyini alqışlayır” – deyərək ABŞ Dövlət Departamentinin Avropa və Avrasiya bürosunun tviter səhifəsində yazıb.
“Dövlət katibinin köməkçisi Donfrid ABŞ prosesə ən yaxşı şəkildə necə dəstək göstərə biləcəyini müzakirə etmək üçün bu həftə Qafqaz üzrə baş məsləhətçi Endryu Şoferi regiona göndərib”- deyərək büronun bəyanatında qeyd olunub.
