Ermənistan Respublikasının hökuməti Ermənistan və Artsax ətrafında təhlükəsizlik mühitinin yaradılması, ölkəmizin və region üçün dinc və davamlı inkişaf erası yaratmaq üçün dövlət strategiyasını qəbul etmişdir. Bunu Ermənistanın xarici işlər naziri Ararat Mirzoyan bu gün Parlamentin Xarici Əlaqələr Daimi Komitəsinin iclası zamanı deyib.
“2021-ci il ərzində bizim bütün hərəkətlərimiz bu strategiyanın həyata keçirilməsinə yönəldilib. Məqsədlərimizə nail olmaq üçün ATƏT-in Minsk Qrupu həmsədrlərinin mandatı altında Artsaxın statusu və Artsax ermənilərinin hüquqlarının vurğulanması ilə Dağlıq Qarabağ sülh prosesinin tam bərpası prioritet məsələ idi” - deyə Ararat Mirzoyan bildirib.
Mirzoyanın sözlərinə görə, 2021-ci ildə bununla bağlı müəyyən uğurlar qeydə alınıb, çünki ATƏT-in Minsk Qrupunun həmsədrliyi çərçivəsində Ermənistan və Azərbaycanın xarici işlər nazirlərinin iki görüşü baş tutub.
“Həmsədrlərin təklifi ilə həmin və sonrakı müzakirələr “kiçik addımlarla irəliləmək” strategiyasına, humanitar və digər məsələlərin həllinə yönəldilməli idi, sonra isə iddia etdiyimiz kimi, qeydə alınmalı idi ki, Dağlıq Qarabağ münaqişəsinin hərtərəfli həlli gündəmdədir”- deyə Mirzoyan qeyd edib.
XİN rəhbəri xatırladıb ki, ATƏT-in Minsk Qrupunun həmsədrləri və həmsədr ölkələri 2021-ci ildə 11 bəyanat qəbul ediblər və bu bəyanatlarda açıq şəkildə vurğulanmışdır ki, Dağlıq Qarabağ münaqişəsi hələ də həll olunmayıb və tərəflərə məlum prinsiplər əsasında həll olunmalıdır.
“Mən dekabrın 7-də sədrlik edən üç ölkənin xarici işlər nazirinin birgə bəyanatını xüsusi qeyd etmək istərdim. Bu bəyanat Azərbaycan tərəfinin Stokholmdakı görüşdə iştirakdan imtina etməsindən sonra açıqlanıb. Hesab edirəm ki, bu, vacib nüansdır” – deyə Mirzoyan bildirib.
