Rusiya ilə Azərbaycan arasında müttəfiqlik haqqında bəyannamə heç bir halda Rusiyanın KTMT ikitərəfli sazişləri çərçivəsində Ermənistan qarşısında götürdüyü öhdəliklərə təsir etməyəcək.
Bu barədə Rusiya XİN rəsmi nümayəndəsi Mariya Zaxarova bildirdi.
“Biz köhnə və yaxın müttəfiqimiz olan Yerevana münasibətdə bütün ikitərəfli öhdəliklərimizə əməl edəcəyik. Fikrimizcə, Bakı ilə imzalanan bəyannamə Rusiya, Azərbaycan və Ermənistan arasında təhlükəsizlik, iqtisadi və humanitar sahədə əməkdaşlığı möhkəmləndirəcək. Üstəlik, biz Ermənistanla hazırda 200-ə yaxın sənədi, o cümlədən regionda geosiyasi reallıqların dəyişməsini nəzərə alaraq ikitərəfli qanunvericilik bazasını daim yeniləyirik”,- Zaxarova bildirdi.
