Rusiya Böyük Britaniyada qeydiyyatdan keçmiş təyyarələrin öz hava məkanından istifadə etməsinə və Rusiya ərazisində enməsinə qadağa qoyub.
Bu barədə məlumatı Rusiyanın Federal Hava Nəqliyyat Agentliyi təsdiqləyib.
"Dünən beynəlxalq hüquq normalarına uyğun olaraq, iki ölkə arasında uçuş məsələsini müzakirə etmək məqsədilə məsləhətlərin keçirilməsi üçün Britaniya Aviasiya İdarələrinə təklif göndərilib. Bu gün səhər Birləşmiş Krallıqdakı həmkarlarımızdan mənfi cavab aldıq. Bu, Rusiya tərəfinin "güzgü" tədbirlərini qəbul etməsi üçün əsasdır", - agentlik bildirib.
