Fevralın 25-də Ermənistan Respublikasının xarici işlər naziri Ararat Mirzoyan Kanadanın Avropa İttifaqındakı xüsusi nümayəndəsi Stiven Dionu qəbul edib.
ER xarici işlər naziri həmsöhbətinə hökumətin həyata keçirdiyi demokratiyanın, qanunun aliliyinin və insan hüquqlarının müdafiəsinin gücləndirilməsinə yönəlmiş islahatların gündəliyini təqdim edib.
Stiven Dion Ermənistanın güclü demokratik islahatlar istiqamətində irəlilədiyini qeyd edərək, missiyasının əsas məqsədinin Kanadanın Ermənistanın demokratik prosesinə dəstək verməsi olduğunu vurğulayıb.
Həmsöhbətlər Ermənistan-Kanada münasibətlərinin davamlı olaraq möhkəmlənməsində Kanadadakı erməni icmasının mühüm rolunu qeyd ediblər.
Regional gündəmdə olan bir sıra məsələlərə də toxunulub. Nazir Mirzoyan Ermənistan ətrafında yaranmış təhlükəsizlik çağırışlarını təqdim edib.
