İsrail ordusu bu gün gecə saatlarında Suriyaya aid radar və zenit qurğularına zərbələr endiriblər.
Bu barədə İsrail Müdafiə Nazirliyi məlumat yayıb.
“Suriyadan atılan raket İsrail hava məkanında partladıqdan sonra İsrail Müdafiə Qüvvələri Suriyadakı zenit qurğularına hücum edib. İsrail Hərbi Hava Qüvvələrinə məxsus təyyarələr Suriyanın radar və zenit qurğularına zərbələr endiriblər”, - məlumatda qeyd olunub.
Suriyanın SANA agentliyinin verdiyi məlumata görə, Dəməşqə endirilən zərbələr nəticəsində Suriya ordusunun 1 hərbçisi ölüb, daha 5 nəfər isə yaralanıb.
