Federal Təhqiqat Bürosu (FBI) ABŞ Nümayəndələr Palatasının Demokrat üzvü Henri Kuelların Texas ştatındakı evində və kampaniya ofisində reydlər keçirib.
Amerikanın Səsi yazır ki, bu barədə ABŞ mediasında məlumatlar yayılıb.
Rəsmi mənbələrə istinad olunan məlumatlara görə reydlər ABŞ biznesmenlərinin Azərbaycanla əlaqələrinin araşdırılmasından qaynaqlanır.
Kuelların şəxsən bu təhqiqatın hədəfi olub-olmadığı aydın deyil.
FBI rəsmiləri həmin ərazilərdə reydlərin keçirildiyini etiraf edib, lakin təfərrüata varmayıb.
Kuelların ofisi yaydığı bəyanatda “təhqiqatla tam əməkdaşlıq” edəcəyini bildirib. “O, ədalət və qanunun gözlənilməsinin təminatına sadiqdir,” - konqresmen ofisinin yaydığı bəyanatda deyilir.
Enrik Roberto “Henri” Kuellar 2005-ci ildən bəri Texasın 28-ci Konqres dairəsini təmsil edir.
