Ermənistan Respublikasının Baş naziri Nikol Paşinyan Bolqarıstanın Baş naziri Kirill Petkova Ermənistan və Bolqarıstan arasında diplomatik əlaqələrin qurulmasının 30 illiyi münasibətilə təbrik məktubu göndərib.
“Ermənistan Respublikası ilə Bolqarıstan Respublikası arasında diplomatik münasibətlərin qurulmasının 30 illiyi münasibətilə ən səmimi təbriklərimi çatdırıram. 1992-ci ildə imzalanmış Protokol ilə iki xalqımız arasında çoxəsrlik tarixi-mədəni əlaqələri rəsmi şəkildə qeydə alınıb.
Son üç onillikdə ikitərəfli dövlətlərarası münasibətlərimiz qarşılıqlı hörmətə, etimada əsaslanan səmimi, səmərəli, qarşılıqlı əməkdaşlığın davamlı inkişafı ilə yadda qalıb.
Əminəm ki, Ermənistan-Avropa İttifaqı Hərtərəfli Genişləndirilmiş Tərəfdaşlıq haqqında Sazişi, öz növbəsində, ikitərəfli əməkdaşlığımızın geniş spektrinin daha da möhkəmlənməsinə və dərinləşməsinə töhfə verəcək”,- deyə Baş nazir qeyd etdi.
