Kollektiv Təhlükəsizlik Müqaviləsi Təşkilatının (KTMT) Kollektiv Sülhməramlı Qüvvələri Qazaxıstandakı vəziyyət tam sabitləşdikdən sonra missiyasını başa vuracaq.
Bunu Rusiyanın müdafiə naziri ordu generalı Sergey Şoyqu bildirib.
“Kollektiv Sülhməramlı Qüvvələr tərəfindən tapşırıqların icrası təbii ki, Qazaxıstan Respublikası rəhbərliyinin qərarı ilə ölkədə vəziyyət tamamilə sabitləşənə qədər həyata keçiriləcək” - Rusiya MN başçısı vurğulayıb.
Onun sözlərinə görə, hazırda KTMT sülhməramlı qüvvələri Qazaxıstan ərazisində mühüm hərbi, dövlət və sosial əhəmiyyətli obyektlərin mühafizəsi üzrə tapşırıqları yerinə yetirir.
