Rusiya Federasiyasının Baş naziri Mixail Mişustin Ermənistan Respublikasının Baş naziri Nikol Paşinyana bayramlar münasibətilə təbrik məktubu göndərib.
"Hörmətli Nikol Vovayeviç,
Sizi Yeni il və Milad bayramı münasibətilə ürəkdən təbrik edirəm.
Keçən bir ildə dostluq, qonşuluq və strateji tərəfdaşlığa əsaslanan Rusiya-Ermənistan münasibətləri inkişaf edib. Ticarət-iqtisadi və sərmayə əməkdaşlığı genişlənir, regionlararası-biznes əlaqələri möhkəmlənir.
Əminəm ki, 2022-ci ildə hökumətlərin birgə səyləri praktiki əməkdaşlıqda gələcək irəliləyişi təmin edəcəkdir. Biz Avrasiya İqtisadi İttifaqı çərçivəsində yeni perspektiv layihələrin və inteqrasiya təşəbbüslərinin həyata keçirilməsi üçün əlverişli şərait yaratmağa davam edəcəyik. Bu, Rusiya Federasiyasının və Ermənistan Respublikasının maraqlarına tam uyğundur.
Hörmətli Nikol Vovayeviç,
Sizə, qohumlarınıza, dostlarınıza və yaxınlarınıza möhkəm cansağlığı və xoşbəxtlik, dost Ermənistan xalqına isə sülh və firavanlıq arzulayıram”, - deyə Rusiya Baş nazirinin müraciətində deyilir.
