Dekabrın 20-də Ermənistan Respublikası Parlamentinin sədri Alen Simonyan İran İslam Respublikası Məclisinin İran-Ermənistan parlamentlərarası dostluq qrupunun rəhbəri Seyed Mehdi Fərşadanın başçılıq etdiyi nümayəndə heyətini qəbul edib.
Tərəflər bir çox sahələrdə dövlətlərarası münasibətlərin inkişafı üçün möhkəm əsas və təminat olan iki ölkə arasında fəal siyasi dialoqun olduğunu qeyd ediblər.
Görüşdə bölgədə davamlı sülhün və sabitliyin bərqərar olması zərurətindən danışılıb. Alen Simonyan Azərbaycan tərəfinin destruktiv davranışına toxunaraq, bunun təkcə Ermənistana deyil, regionun digər ölkələrinə də mənfi təsir göstərdiyini qeyd edib.
