Turan yazır ki, Azərbaycanda polis Saleh Rüstəmlini müdafiə aksiyasının iştirakçılarını saxlayır. Qeyd olunur ki, Saleh Rüstəmli həbsdən buraxılması tələbilə 40 gündür aclıq edir.
Fransada yaşayan jurnalist Qənimət Zahid tərəfindən aksiya 15 dekabr günorta Fəvvarələr Meydanında təyin edilib.
"Saleh Rüstəmliyə azadlıq!", "Öldürmə, azad et!" şüarları səsləndirən adamlar meydana daxil olan kimi polis onları saxlayır.
Saat 12:10-a olan məlumata görə, 20-yə yaxın adam, o cümlədən Saleh Rüstəmlinin bacısı Yeganə Rüstəmli, müxalifətçi siyasətçi Tofiq Yaqublu, Azərbaycan Xalq Cəbhəsi Partiyasının üzvü Əvəz Hüseynov və digərləri saxlanılıb.
