ABŞ 2022-ci ildə Çində keçiriləcək Qış Olimpiya Oyunlarına qarşı diplomatik boykot elan edib. Ağ Ev bildirib ki, ABŞ “Çində insan haqları ilə bağlı narahatlıqlara görə” Pekinə rəsmi nümayəndə heyəti göndərməyəcək.
Çin Xarici İşlər Nazirliyinin sözçüsü Zjao Litsyan bəyan edib ki, Amerika Qış Olimpiya Oyunlarını boykot edəcəyi təqdirdə rəsmi Pekin bu addıma cavab olaraq qisas alacaq.
Onun sözlərinə görə, Çin və ABŞ arasında mühüm sahələrdə dialoq və əməkdaşlığa təsir etməmək üçün Amerika tərəfindən Qış Olimpiya Oyunları ilə boykot çağırışları dayandırılmalıdır: “Əgər ABŞ bilərəkdən bu mövqeyə əməl edərsə, Çin kəskin əks tədbirlər görəcək”.
