Dekabrın 2-də ER müdafiə naziri Suren Papikyan ABŞ-ın Ermənistandakı fövqəladə və səlahiyyətli səfiri Lin Treysini qəbul edib.
Görüş zamanı sərhəd vəziyyəti və təhlükəsizlik məsələləri ilə bağlı məsələlər müzakirə olunub. Müdafiə naziri sərhəd zonasında mövcud vəziyyəti, Ermənistan tərəfinin problemlərin həllinə yanaşmalarını təqdim edib.
Səfir öz növbəsində Amerika tərəfinin gərginliyin azaldılmasına, problemlərin sülh yolu ilə həllinə tərəfdar olduğunu qeyd edib, ABŞ-ın ATƏT-in Minsk Qrupu çərçivəsində rolunu və bu istiqamətdə gedən proseslərin davam etdirilməsinin əhəmiyyətini vurğulayıb.
Həmsöhbətlər müdafiə sahəsində Ermənistan-Amerika əməkdaşlığı ilə bağlı bir sıra məsələləri də müzakirə ediblər.
